'மூர்த்தி டெய்லரிங் பேலஸ்'

மூர்த்தி என்பது அவருடைய பெயர். மதுரையில் மேலச்சித்திரை வீதியிலிருந்த எங்களுடைய கட்டடத்தில் அவர் 'மூர்த்தி டெய்லரிங் பேலஸ்' என்னும் ultra-modern தையற்கடை யன்றை வைத்திருந்தார். 1950-ஆம் ஆண்டிலிருந்து அவர் அங்கு இருந்தார்.

                    தையல் தொழிலுக்கே ஒரு தனி கௌரவத்தைத் தமிழகத்தில் ஏற்படுத்தியதில் அவரே முதல் ஆள்.
                    நான் சொல்வது ஐம்பதாண்டுகளுக்கு முன்னர்.
                    தன்னுடைய இருக்கைக்குமேலே ஒரு எண்ணெய் வண்ண ஓவியம்.
                    அதில் உலகக்கோளம். அதன் முன்னணியில் ஒரு கத்தரிக்கோல். அந்தக்  கத்தரிக்கோல் வாய் திறந்திருக்கும். அதன் நடுவே நூல் கோர்த்த ஓர் ஊசி. மேலே தலைப்பு.
                    'வாழ்க உலகெலாம் கத்தரிக்கோல்'.
                    உலகத்தின் கீழே, ஒரு நீண்ட வாசகம், "என் வாழ்வின் பிழைப்பூட்டும் தலைவனாகவும்....." என்று ஆரம்பிக்கும். கடைசியில் "என் அருமைக் கத்தரிக்கோலே" என்று முடித்திருப்பார். அடியில் கையெழுத்து. 'ந. க. ஆ. மூர்த்தி' என்று போட்டிருப்பார்.